NTNU Bridge blir avvikla 1. juli!

Sidan 2013 har NTNU Bridge vore universitetet sin offisielle koplingsportal mellom NTNU-studentane og arbeidslivet, for samarbeid om oppgåver, praksisplassar og jobbar.

Etter grundige vurderingar er det bestemt at NTNU Bridge skal avviklast, og portalen blir stengd 1. juli 2025. Avviklinga skuldast den økonomiske situasjonen ved NTNU, som krev at alle tenester blir vurderte med omsyn til kostnader og kritikalitet.

Det er framleis viktig for NTNU å oppretthalde kontakt og samarbeid med arbeidslivet, som er ein sentral del av universitetet sin strategi. Framover vil denne kontakten skje direkte gjennom fagmiljø, fakultet eller institutt. Fleire institutt og fagmiljø har allereie eigne ordningar for arbeidslivskontakt, og mange studentar har òg eit godt tilbod gjennom linjeforeiningar. Miljø som har brukt NTNU Bridge i stor grad, blir oppmoda til å styrkje andre kanalar for arbeidslivskontakt.

Om du har studentprofil på NTNU Bridge, kan du framleis logge inn og bruke tenesta som normalt fram til portalen blir stengd. Vi oppmodar òg til å bruke ressursane for karriere og jobbsøk som finst hos NTNU Karriere.

Har du spørsmål, ta kontakt.